快樂的蔥國人

只要係人，就會死。佢係蔥國人，所以亦唔例外，十年前今日，佢死鬼咗。

對於死，蔥國人亦有啲睇法，譬如：

「不要只管工作而不遊戲  —  工作是永遠做不完的，你卻會遲早玩完。」

or

「我死後，若要燒衣給我，請備白西裝與消防裝各一套，我不知將會在天堂或地獄。」

咁玩完咗之後，佢究竟上咗天堂抑或落咗地獄呢？要佢自己先知。我估蔥國人唔會想上天堂，嗰度只有豎琴，好悶，地獄就 rock 好多！冇錯，蔥國人係 rock 友，留長頭髮重要係電攣嗰隻，曉彈電結他。喺地獄，佢會快樂好多。

我諗冇人想要等到玩完咗之後，至可以快樂，而係想喺生與死之間呢段時間內，都快樂。但快樂總係似一條見首不見尾嘅神龍，經常搵唔到，令人好無奈。連蔥國人都咁講：

「快樂是位於太多與太少之間的一處地方，但往往地址不詳。」

有人話過：來生不做中國人。由此推斷，此生做中國人，應該唔多快樂。但我估，蔥國人呢世人係快樂的，因為佢又咁講過：

「只有女孩子與掃街工人，才有特權對著秋葉發愁。」聽佢咁講就知，佢此生應該唔多愁，而我估佢重要係唔愁加樂觀嗰隻，有話為證：「頸痛時，樂觀者會說：幸好我不是長頸鹿。」

呢個快樂嘅人，寫過好多歌詞，令到當我哋有陣時真係好愁嘅時侯，聽完會快樂咗，譬如好似呢支咁：

你令我快樂過！thank you 你！