2020/06/10

生日快樂!





家駒,

又到六月了。香港的景況一年比一年惡劣,去年此時,全面爆發反惡法戰爭,香港人螳臂擋車,付出慘烈代價。現在危城終將失陷,更高壓的管治快要到來。很多人選擇離開,而更多不願或無力離開的人,將與我城共存亡。

當年你也經歷過,香港人沒參與餘地的中英香港前途談判;早已今非昔比的英帝國,在談判中節節落於下風,更竟誤以為中共會恪守信諾。再往後推一百五十年,如果中英「南京條約」簽訂時,大英帝國要求永久割讓香港,清政府又能怎地?在 1842 年,沒有人知道後來中國竟會被共產黨關入鐵幕,並在今天震撼著我們的命運。

城破在即,我想起在你離開十二年後,家強和世榮創作的〈長空〉。這歌今日聽來,別有一份宿世的意味。

看破了,沒有絕對的結果,
吹不熄,恩怨的燈火;
看你與我,面對生與死,
分不清,歡笑與悲哀。

世事就是如此,有時相當魔幻。

笑望長空,逆轉一生天數。我城將滅,但盼望不會消亡。縱流亡於七海,我們仍深信會有光復的一天  —  縱使那天的香港,可能已不再是金光閃閃的都市;但這不重要,能呼吸自由空氣,才是真正美好的地方。

但願那天早日到臨。

生日快樂!

7 則留言:

  1. 我公司有條偽黃偽band友日日喺度踩Beyond啲音樂好pop好垃圾,然後我就喺佢面前播咗Myth,仲同好多個後生仔推介咗狂人山莊,個個都話正,於是條友就即刻收曬皮,我心諗你淨係聽得一兩首歌就唔好話人哋啲音樂廢啦!自己有乜嘢都作唔到出嚟!搞到我而家日日要喺公司狂loop LMF首再見型過籠寸爆佢!

    回覆刪除
    回覆
    1. 你呢首播得好丫!順帶醒多佢兩隻〈亞龍大〉同〈吓!講乜嘢話?〉,等佢學吓嘢!

      刪除
    2. 最好笑係有好多後生仔同事成日俾佢串唔識聽音樂,仲話要介紹啲真搖滾畀佢哋聽,之後佢就上youtube搵咗Green day同Coldplay好多歌,呢個係我呢世人聽過其中一個好好笑嘅笑話……😆🤣🤣🤣🤣

      刪除
    3. 重點係條友同我一樣三十幾歲,係稍為識彈下結他但絕對唔係好勁嗰隻,起初我都唔知佢咁多搞笑嘢,係兩個後生仔同我講我先知……🤣

      刪除
    4. 哈!你呢個真人 show 笑話又真係幾爆笑 ("真搖滾"呢三個字係核爆笑點) :D

      其實音樂又好,咩嘢都好,串人哋唔識真係無九謂兼幼能稚,徒顯得自己叻唔切而已。講到尾有咩話識唔識丫,大家有興趣,互相交流分享是樂事,傾得多自己也會學到更多嘢。別人無興趣,卻硬要去所謂「教人」便實屬笑片。

      刪除