看 tvb短劇《情人眼裡高一d 》，真是怒從心上起！這個怪獸電視台，簡直惡向膽邊生！
此劇之劇情，怒抄、猛抄、暴抄、狂抄、喪抄 --- 根本同日本電影《反轉豬腩是王子》一模一樣！
男主角原本係醜男，一樣！
此劇之劇情，怒抄、猛抄、暴抄、狂抄、喪抄 --- 根本同日本電影《反轉豬腩是王子》一模一樣！
男主角原本係醜男，一樣！
女主角由靚女變醜女，一樣！
女主角最後又變返靚女，一樣！
男主角選擇最後做返醜男，一樣！
連醜男向靚女示愛及靚女反應對白，都係一模一樣！
嚴格來說，這不是「抄」，是影印。
還要影印一部 09年 5月才上畫的電影，怪獸電視台真是無恥近乎勇，不要臉兼膽生毛，好狠過分。
原電影公司 asmik ace entertainment inc 絕對應該發告票。
tvb & dab，都係禮義廉之霸！
女主角最後又變返靚女，一樣！
男主角選擇最後做返醜男，一樣！
連醜男向靚女示愛及靚女反應對白，都係一模一樣！
嚴格來說，這不是「抄」，是影印。
還要影印一部 09年 5月才上畫的電影，怪獸電視台真是無恥近乎勇，不要臉兼膽生毛，好狠過分。
原電影公司 asmik ace entertainment inc 絕對應該發告票。
tvb & dab，都係禮義廉之霸！
由看見電視台的宣傳短片開始便已經對此劇很反感，估不到竟然抄得這麼足，而且在有得抄的情況下其水準也這麼差，比賀年胡鬧劇更不知所謂，實在太看不起觀眾了。
回覆刪除[版主回覆02/23/2010 11:52:00]如對這故仔有興趣，應向原電影公司買下版權，然後改編。
現在卻是光天化日下數百萬觀眾前把劇情照搬不誤，當無事發生，側側膊唔多覺，無視知識版權，簡直教壞細佬，無恥之尤。
天下文章一樣抄，原來電視劇本都係一樣抄，但係抄得極核突離譜，俾人露晒底，又唔係拍得好喎，不如今日起宣布重拍CCTVB經典電視劇集，如《狂潮》、《家變》，起碼精彩過呢D垃圾劇。 昨日在OK偷看過《奇聞》雜誌，講到邵六嫂個相，管治CCTVB點衰點衰，睇來CCTVB呢個王國都唔會屹立不倒，真係有D道理
回覆刪除[版主回覆02/23/2010 22:35:00]十多年前，某大專學生往一間跨國公司見工，學生向鬼佬創作總監展示自己的習作，結果沒被取錄。
過了好一會，此廣告公司一套電訊網絡廣告片出街，與該學生的見工作品，九成相似。
學生氣憤不已，老師知道此事後代為出頭，向該公司大興問罪之師，結果該學生獲賠了港幣廿多萬。
如果 《反轉豬腩是王子》的日本電影公司告 tvb ，以此劇幾十點收視、幾百萬人睇，你猜 tvb 庭外和解要賠多少？
p.s. 以今日怪獸電視台水準，若重拍經典劇，肯定比原版本低十班；周潤發亦會變成唔唱 K ，繆騫人變胡冏冏，真是 《狂潮》都變恐怖片。
你都唔好為左間咁ge電視台大動肝火啦,唔值. 不過話時話,對於唔多睇電視,又無乜點睇電影的,如我.就唔知套劇抄人抄成咁,只知成套野係一個廣告囉.起勢賣地鐵,Citibank廣告咁囉.真係好鬼低莊,要係劇集入面賣廣告,好心佢地用d心思,好自然咁賣啦.家陣攪到好似以前人地係街邊叫賣果d小販咁.(叫賣小販唔低莊,係間公司低而已,唔好誤會呢)
回覆刪除[版主回覆02/24/2010 19:15:00]其實多年沒看怪獸電視台的怪獸劇，只是家中有人在看，難免瞄到多少。
講到植入式廣告，去年的 《富貴門》更加赤裸裸血淋淋。秦沛演恆生銀行經理，手執宣傳單張，在畫面四圍都見有恆生 logo 的銀行大堂內，花近十分鐘向呂良偉講解他們的保險計劃內容。
持平理性地作結論，作為一套劇集，這不叫垃圾，叫甚麼？
缺製作經費唔代表可以胡作非為。港產片一落千丈，唔係因為拍攝技巧差，而是劇本差。差都算了，仲炒，唉，自作孽了。
回覆刪除他們不介意掉轉個logo囉，橫掂一樣。
[版主回覆02/24/2010 19:21:00]幾年前怪獸台有一條請編劇的宣傳片，以約翰連濃 、 愛因斯坦等人作畫面，副以標語：想唔想做創作大師？
這是自有文明與歷史以來，最滑稽的事。
我以為佢地好有創意tim!!, 原來又係抄的. 本地的編劇去到那裡!!
回覆刪除[版主回覆02/24/2010 22:59:00]在一個 tvb 「收視元素格式」嚴密監控下，縱有無比天分亦無從發揮。 這個機構， 只容韋家晴，不容韋家輝； 有的是權臣，沒有真將軍 。
業界常叫觀眾保護知識產權，又說買翻版／盜錄碟"等如偷，那麼他們抄稿又應怎樣計？ TVB個廣告問人想唔想做創作大師？大師？不如話做抄作大師仲好啦！ 電影界有一著名例子是有香港人向洛比桑sell番抄佢果套片（or稿?）－－墮落花 。真離譜！
回覆刪除[版主回覆02/25/2010 22:18:00]本地首席 copy cat ，首推雷頌德大師 --- 仲要係抄完唔認嗰隻。
都是那句話：抄，也要有技巧。抄到十足十，連執執改改修修也費事，那是懶惰兼無恥。
TVB 的創作人已去到人渣的地步，照抄面不改容，簡直是天地不容！但奈何本土觀眾仍然熱捧，《情》劇在網上點擊率高達20萬，更有網民讚好，實在令人無言以對！ 至於雷頌德，這個樂壇敗類不提也罷！但這種抄襲廢物，卻備受推崇，又係另一無奈！
回覆刪除[版主回覆03/03/2010 22:34:00]從陰謀論角度，我絕對有理由相信廣管局乃承阿爺意旨，以限制無線電視牌照方式，令 tvb 長期獨大並持續泡製低智節目，以達愚化香港人之終極戰略目的。
《反轉豬腩是王子》都有抄荷里活的《豬兜有情人》!
回覆刪除